குடிநீர் போத்தலுக்கான விலைகள்

குடிநீர் போத்தலுக்கான விலைகள் நிர்ணயிக்கப்பட்டுள்ளன.

நுகர்வோர் அதிகார சபையினால் இது குறித்த வர்த்தமானி அறிவித்தல் வெளியிடப்பட்டுள்ளது.

இதற்கமைய, 350 மில்லி லீற்றர் முதல் 499 மில்லி லீற்றர் கொள்ளளவுகொண்ட குடிநீர் போத்தல் ஒன்றின் விலை 26 ரூபாவாக நிரணயம் செய்யப்பட்டுள்ளது.

500 மில்லி லீற்றர் முதல் 749 மில்லி லீற்றர் கொள்ளளவு கொண்ட குடிநீர் போத்தலுக்கான விலை 35 ரூபாவாகவும், 750 மில்லி லீற்றர் முதல் 999 மில்லி லீற்றர் கொள்ளளவுகொண்ட குடிநீர் போத்தலுக்கான விலை 40 ரூபாவாகவும் நிர்ணயிக்கப்பட்டுள்ளது.

அத்துடன், ஒரு லீற்றர் முதல் 1.49 லீற்றர் கொள்ளளவு கொண்ட குடிநீர் போத்தலின் விலை 50 ரூபாவாகவும், 1.5 லீற்றர் முதல் 4.99 லீற்றர் கொள்ளளவு கொண்ட குடிநீர் போத்தல் ஒன்றின் விலை 70 ரூபாவாகவும் விலை நிர்ணயம் செய்யப்பட்டுள்ளது.

5 லீற்றர் முதல் 6.99 லீற்றர் கொள்ளளவுகொண்ட குடிநீர் போத்தலின் விலை 150 ரூபாவாகவும், 7 லீற்றர் கொள்ளளவுகொண்ட போத்தலின் விலை 170 ரூபாவாகவும் நுகர்வோர் அதிகார சபையினால் விலை நிர்ணயம் செய்யப்பட்டுள்ளது.