கல்முனையில் கோர விபத்து - இரண்டு பாரவூர்திகளில் மோதிய உந்துருளி!!

13 JULY 2018

கல்முனை - அக்கரைப்பற்று பிரதான வீதியின் நிந்தவூர் பிரதேசத்தில் இடம்பெற்ற உந்துருளி விபத்தில் உந்துருளி ஓட்டுனர் உயிரிழந்துள்ளார்.

கல்முனையில் இருந்து நிந்தவூர் நோக்கி பயணித்துக்கொண்டிருந்த பாரவூர்தியொன்று எதிர்திசையில் வந்த உந்துருளியில் மோதியுள்ள நிலையில் , பின்னர் குறித்த உந்துருளி கல்முனையில் இருந்து அக்கரைப்பற்று நோக்கி பயணித்துக்கொண்டிருந்த மற்றுமொரு பாரவூர்தியில் மோதியுள்ளது.

சம்பவத்தில் படுகாயமடைந்த நபர் நிந்தவூர் மருத்துவமனையில் அனுமதிக்கப்பட்ட பின்னர் உயிரிழந்துள்ளார்.

49 வயதுடைய குறித்த பிரதேசத்தை சேர்ந்த நபரொருவரே இவ்வாறு உயிரிழந்துள்ளார்.

சம்பவம் தொடர்பில் குறித்த பாரவூர்திகளின் சாரதிகள் கைது செய்யப்பட்டுள்ளதாக காவற்துறை தெரிவித்துள்ளது.